domenica 10 aprile 2011

Sti vvite noste...

Cumme vanno sperdute
p' 'o munno
sti vvite noste...
Cumme ll'uocchie d' 'a ggente,
'e pparole sbagliate
stunate
e vacante,
currenno pe' ll'aria,
pazzianno
e redenno,
se vanno mmiscanno
e mbruglianno...
E allora sti vvite
sbandate
e sbattute
t 'e vvide sperdute
p' 'o munno:
un' 'a ccà,
n'ata 'a llà...

[1972]
Da 'O penziero e altre poesie di Eduardo (pag. 27), Einaudi


Nessun commento:

Posta un commento

Grazie per aver visitato questo blog!