Titina mia,Titì...
Che t'aggia dicere...
Si te tenesse ccà pe' nu mumento,
pe' na mez'ora,
n'ora sulamente,
desse diece anne 'e chesta vita mia,
ca vita cchiù nun è
ma è sempe vita!
T'appujasse sta capa
ncopp' 'a spalla
e te dicesse:
«Fino a che sto nterra e ssongo vivo
simmo ancora nuie!».
Cu ll'uocchie dint'a ll'uocchie
t' 'o dicesse...
E a gocce a gocce
se nfunnèssero 'e mmane
'e tutt'e dduie.
Da 'O penziero e altre poesie di Eduardo, Einaudi, pag. 77
Nessun commento:
Posta un commento
Grazie per aver visitato questo blog!